Pas prezencës në Byronë e Kuvendit deputeti i PD-së Ervin Salianji u shpreh se dhuna është ushtruar nga deputetët e mazhorancës dhe jo nga ata të opozitës.
“Dhuna është ushtruar nga deptuetët e PS-së. Tymueset që ishin aty ishin në mënyrë simbolike pasi ashtu si shpërndajnë tym ato tymueset, ashtu po e bën Rama vendin. Nuk ka ndonjë pikë të rregullores që ndalohen tymueset. Që të vendosen rregullore që të shikojnë edhe veshjet e deputetëve dhe modelin e flokëve kjo është e tepërt.”, u shpreh Salianji.
Po kështu foli edhe deputeti Flamur Noka i cili u shpreh se mbrojtje më të mirë se të jesh në anën e ligjit dhe Kushtetutës nuk mund të ketë.
“Mbrojtje më të mirë se të jesh në anën e ligjit dhe Kushtetutës nuk mund të ketë. Në ishim aty bashkë me kolegët e LSI-së ishim aty si deputetë për të bërë detyrën. Ishin aty si deputetë të betuar për të mbrojtur kushtetutën dhe qytetarët. Kushtetuta u shkel nga mazhoranca. Në rast se do të ketë një rresht që thotë për mënyrën sesi e zgjodhën, por Rama u bë vetë Kryeprokuror. Deputetët e opozitës janë dhe do të jenë në mbrojtje të Kushtetutës. Ata janë janë pjesë e krimit vrapuan të zgjidhnin kryeprokuroren.”, u shpreh Flamur Noka. (J.V/Faxweb)
