“Saliun, nuk e ndjek shejtanin”, Rama hedh kunja nga Pogradeci

Gjatë një takimi me fermerët në Pogradec, Rama ka thumbuar përsëri ish kryeministrin Berisha.

Ai tha se po qeshte me Niko Peleshin për shkak se ai e kishte njoftuar se Berisha e kishte sulmuar pas takimit që kishte pasur në Ersekë, duke qeshur Rama u shpreh me fjalët:” Saliun nuk e ndjek shejtanin”, ndërkohë që njerëzit i’a plasën të qeshurit

“Po qeshnim me Nikon, se unë Saliun, nuk e ndjek shejtanin, por ishte mërzitur pas takimit tim në Ersekë, kishte thënë se ka shtruar 180 kilometër rrugë. E imagjinoni dot, distanca deri në Tiranë është 178 kilometër, thotë se ka bërë 140 shkolla se ua shton nganjë zero, po s’ke çfarë i bën, ka ikur ai, dhe të mendosh se ky është më i miri që kanë”, u shpreh Rama

Rama theksoi edhe njëherë nevojën për të pasur i vetëm timonin e qeverisë sepse sipas tij partitë e vogla janë pengesë, ai u kërkoi fermerëve të Pogradecit se vota e tyre është për të vazhduar reformat dhe për ta shfaqur Shqipërinë sa më dinjitoze në arenën ndërkombëtare. (B.H/Shuplaka)