Revista amerikane “Time” ka publikuar listën e 100 personave më të fuqishëm të botës në të cilën janë të përfshirë politikanë por jo vetëm.
Kjo revistë e ka renditur zv/kryeministrin dhe ministrin e Brendshëm të Italisë, Matteo Salvinin mes 100 personave më të fuqishëm në botë.
Në kategorinë e liderëve, Slavini është i vetmi italian përkrah personaliteteve si Donald Trump, Papa Francesco, XI Jinping, Greta Thunberg etj.
“Time” shkruan për Salvinin: “Është lideri më i diskutueshëm në Europë, e pas zgjedhjeve europiane të majit, mund të jetë dhe lideri më i fuqishëm në Europë. Është politikani më antikonvecional, një turbinë takimesh, fjalimesh, energjie e të gjitha live në profilet e tij sociale. I financuar me pak para, por me mjaft kurajë, këmbëngulje, Salvini shpreh një mesazh të qartë. Solli rilindjen e krenarisë kombëtare italiane si dhe i diktoi Brukselit ligje mbi politikat e emigracionit”, shkruan Time
Sipas revistës amerikane, në postin e Ministrit të Brendshëm, Matteo Salvini ka realizuar objektivat e fushatës së tij elektorale si mbyllja e porteve italiane për emigrantët klandestinë, lufta kundër trafikut të qenieve njerëzore deri në një debat të ashpër me institucionet europiane.
Ndërkohë që vlen të theksohet se Salvini është i vetmi politikan italian i zgjedhur nga Times, në kategorinë leaders dhe pse në listën e 100 më të fuqishmëve në botë renditen dhe italianët, shefi i kuzhinës Massimo Bottura dhe Pierpaolo Piçoli, drejtori ekzekutiv i markës më të famshme italiane të modës Valentino.
(F.GJ/FAXWEB.AL)
