Kryeministri hungarez abstenoi sot nga votimi i liderëve të Bashkimit Evropian për fillimin e negociatave të anëtarësimit me Ukrainën, duke e gjykuar si një “vendim të keq” nga Brukseli .
“Hungaria nuk dëshiron të mbajë një pjesë të përgjegjësisë” për këtë vendim “absurd” të 26 vendeve të tjera dhe për këtë arsye abstenoi, tha vetë Viktor Orbán në një video të postuar në faqen e tij në Facebook.
“Por 26 vende anëtare ishin të bindura se ky vendim duhet të merret dhe kështu Hungaria vendosi që nëse të 26 vendosin, ata duhet ta bëjnë vetë,” shtoi ai.
