Pas takimit të mbajtur kokë më kokë me kancelaren Angela Merkel me rastin e takimit të Berlinit kryeministri i Maqedonisë së Veriut, Zoran Zaev për mediat gjermane ka paralajmëruar se do të dorëhiqet nga posti nëse nuk konfirmohet hapja e negociatave për hyrjen e Maqedonisë së Veriut në Bashkimin Evropian.
Sipas mediave gjermane Samiti i Berlinit, që pas mbrëmjes së sotme pritet të sjell një kthesë rrënjësore në jetën politike të Ballkanit, sidomos pas deklaratave të kreut të Maqedonisë Veriore, Zaev.
Ato deklarojnë se takimi më interesant i këtij Samiti ka qenë ai ndërmjet Merkelit, Edi Ramës dhe Zoran Zaevit. Mirëpo, ndërsa Zaev ka deklaruar dorëheqjen nga pozicioni i tij si kryeministër i Maqedonisë, po kryeministri shqiptar Edi Rama? Do të mund ta deklarojë dot një gjë të tillë vallë?
Kujtojmë se afati kohor që nga publikimi i raportit të progresit të BE-së, më 29 maj deri në samitin e BE-së në qershor nuk mjafton për të marrë një vendim për çeljen e negociatave, ndërsa në rastin e Shqipërisë, burime nga CDU/CSU për negociatat deklaruan për Dewtche Welle se vendimi do të shtyhet në shtator.
Ndërkohë për rastin e Maqedonisë së Veriut, media gjermane “Velt” pohon se Merkel planifikon t’i bëjë presion Makronit në mënyrë që ajo të trajtohet ndryshe për shkak të kompromiseve dhe arritjeve për një çështje tepër sensitive siç është çështja e emrit, me një vend antarë të BE-së sikurse është Greqia.
