Ministri i Jashtëm rus Sergei Lavrov mbërriti në Nju Delhi për të marrë pjesë në samitin e G20 në krye të delegacionit rus në mungesë të presidentit Vladimir Putin.
Siç ka njoftuar diplomacia ruse, Lavrov do të mbajë fjalime gjatë dy seancave plenare të samitit të Grupit të Njëzet, nesër, të shtunën dhe të dielën. Kremlini ka thënë se Putini nuk do të ndërhyjë në takim, qoftë edhe përmes videokonferencës.
“Ne po punojmë ngushtë me të gjitha vendet e G20 (…) kundër përpjekjeve për të shpjeguar problemet globale humanitare dhe ekonomike vetëm me luftën në Ukrainë (…)”, tha Ministria e Jashtme ruse para mbërritjes së Lavrov në Nju Delhi.
Sipas deklaratës, lufta në Ukrainë “u provokua dhe vazhdon të nxitet nga amerikanët në dëm të sigurisë evropiane”.
” Vendet e G7 (kryesisht SHBA, Britania, Gjermania dhe Franca) po ushtrojnë presion mbi Indinë duke kërkuar të artikulojnë qasjet e tyre të njëanshme ndaj situatës rreth Ukrainës në dokumentet që do të miratohen në fund të samitit të G20″. Argumentoi diplomacia ruse .
Ndarjet në radhët e G20-ës për çështje gjeopolitike, dhe në veçanti në lidhje me pushtimin rus të Ukrainës, e ndërlikojnë hartimin e një komunikate të mundshme të përbashkët.
