Ish-presidenti Alfred Moisiu ka qenë i pranishëm sot në konferencën për Samitin e Paqes për Europën Juglindore 2019, që do të mbahet në Tiranë, në dy ditët e ardhshme, ku ka komentuar dhe situatën politike në Shqipëri.
Moisiu u shpreh se në vendin tonë partitë politike shohin më shumë interesat e tyre të ngushtë politik, dhe tashmë ka ardhur momenti që tiu japin njëherë e mirë fund problemeve të brendshme.
“Më shumë partitë shikojnë interesat e ngushta sesa interesat kombëtare. Kam bindjen se politikanët shqiptarët do gjejnë forcën dhe kohën për të zgjidhur problemet.
Shqipëria ka pasur edhe situata të tjera të vështira dhe ia ka dalë. Politikanët shqiptar duhet të ulen për të ardhmen e Shqipërisë.
Shqipërinë do ta bëjmë ne shqiptarët, të mos presim që gjërat tona të na i zgjidhin të tjerët.
Reforma në drejtësi do ta pastrojë klasen politike në vend, jam optimisht që Shqipëria do të ecë përpara”, është shprehur Moisiu.
Ndërkohë që ish-presidenti ka folur dhe për nismën e shkarkimit të Ilir Metës, pas përplasjeve me mazhorancën, mbi zgjedhjet lokale të 30 Qershorit.
“Nuk është mirë të arrijmë në këto gjëra. Kushtetuta e parashikon këtë rrugeëzgjidhje, çështja duhet të eci në rrugë kushtetuese. Puna vazhdon, nuk ka asgjë të jashtëzakonshme”, u shpreh më tej Moisiu.
(E.K/Faxweb.al)
