Liverpul është ndalur në barazim në transfertën e sotme ndaj Sandërlend. Përballja në “Stadium of Light” ka prodhuar gola dhe spektakël, por nuk ka pasur fitues.
Të dy ekipet kanë ndarë një pikë për javën e 20-të të Premier Ligës.
Miqtë marrin avantazhin të parët me anë të Starrixh në minutën e 19′, por nuk ka vonuar goli i barazimit nga vendasit, të cilët realizojnë me anë të Defoe.
Sulmuesi anglez ekzekuton me mjeshtëri një penallti në minutën e 25′ të takimit.
Pas disa tentativave për të gjetur rrjetën e dytë, djemtë e Klop marrin avantazhin me anë të Sadio Mane në minutën e 72′. Kur mendohej se fitorja ishte në duart e miqve, skuadra pritëse ja del të barazojë vetëm 6 minutat e fundit të ndeshjes dhe barazon gjithçka. është përsëri 34-vjeçari Defoe që dyfishon rezultatin për skuadrën dhe i dhuron një pikë të çmuar.
Liverpul mbetet në vendin e dytë me 44 pikë ndërsa Sandërlend në të 18-in me 15 pikë.
Discussion about this post