Pavarësisht se ditët e fundit zyrtarë të lartë të shtetit që kanë në target rendin dhe sigurinë në vend janë shprehur se situata në qytetin e Shkodrës është nën kontroll, vizitat e shpeshta të ministrit Sandër Lleshaj dhe Drejtorit të Përgjithshëm të Policisë së Shtetit Ardi Veliu në këtë qytet me sa duket po tregojnë të kundërtën.
Burime për Fax Web bëjnë me dije se Ministri i Brendshëm Sandër Lleshaj dhe Drejtori i Përgjithshëm i Policisë së Shtetit Ardi Veliu kanë mbërritur në Shkodër në një takim blic me drejtuesit e policisë atje.
Mësohet se Lleshaj dhe Veliu kanë nisur një takim me dyer të mbyllura me drejtuesit e policisë së Shkodrës, ndërkohë temë e diskutimeve mendohet të jenë ngjarjet e fundit kriminale që kanë ndodhur në këtë qark, ku vlen të përmendet ajo e Nard Polisë, pronarit të një bujtine në Theth vëllezërve Bilali.
Pas kësaj ngjarje, në Shkodër pati edhe disa ndryshime në radhët e drejtuesve të policisë. Menjëherë pas ngjarjes ministri njoftoi shkarkimin e drejtorit të policisë Vehbi Bushatin ku në vend të tij u emërua Niko Brahimaj.
Ndërsa disa ditë më vonë u shkarkua nga detyra edhe shefi i komisariatit Vasil Çela, në vend të të cilit u emërua Lorenc Meta.
Ndërkohë kjo është vizita e 3 që ministri Lleshaj zhvillon në një afat të shkurtër kohor në këtë qytet.
(F.GJ/FAXWEB.AL)
Discussion about this post