Kalimi i Nejmarit te Barcelona në 2013-ën, ka qenë një ndër subjektet më të kritikuara dhe diskutuara në media, madje ka përfunduar edhe në dy proçese gjyqësore.
Ish-klubi i yllit brazilian ka pohuar se pala katalanase nuk kishte qenë korrekte gjatë negociatave për transferimin e Nejmarit-shkruan “Mundo Deportivo”.
Santos ka postuar një dokument i nënshkruar nga vetë klubi, që vërteton negocimin me çdo klub për Nejmarin.
Në dokument shihet qartë që Luis Alvaro de Oliveira Ribeiro, ish- presidenti i Santos, ka autorizuar negociatat për kalimin e sulmuesit në çdo klub, brenda Brazilit ose jasthtë tij.
Që nga ai moment Barcelona rriti negociatat e veta deri në vitin 2013-të, duke i mbajtur ato sekrete.
Barcelona ka paguar 17.1 milionë euro për klubin brazilian për 24-vjeçarin, kurse 40 milionë euro të tjera janë paguar përpara transferimit, shumë kjo që më vonë u konsiderua si pjesë e pagave të lojtarit.
Presidenti aktual i Barcelonës, Josep Maria Bartomeu, pasi mori detyrën si pasues i Rosell-it, tha se kostoja e plotë e transferimit është 86 milionë euro.
Taksat e papaguara e çojnë këtë shifër në rreth 100 milionë euro, por edhe shuma e ulët e transferimit po hetohet, sepse rrjeti i supermarketeve “DIS” (që ka të drejtë për 40% të transferimit të përgjithshëm) beson se dy klubet e kanë nxjerrë jashtë loje duke bërë pagesa të veçanta dhe duke deklaruar një shumë të ulët.
Kështu, hetimi për Neymar-in do të vazhdojë. Në korrik, ai firmosi kontratën e re në “Camp Nou” për deri në vitin 2021.
Discussion about this post