Sara Hoxhës, duket se nuk i kanë pëlqyer komentet negative që kanë nisur të qarkullojnë në rrjetet sociale menjëherë pas nisjes së Big Brother 9 që mirëpriti çiftin e parë të lezbikeve.
Përmes një postimi në llogarinë e saj në Instagram, ajo ka reaguar duke dalë në mbrojtje të lezbikeve. Ajo shprehet se dëshiron që ta rrisë të birin në një botë ku pranohen të tjerët dhe jemi të hapur ndaj të tjerëve.
“Duke lexuar gjithë këto reagime plot negativitet vërdallë doja thjesht të bëja publike mbështetjen time për të gjithë ata që luftojnë për dashurinë. Dua që ta rris tim bir në një botë ku ne pranojmë dhe jemi të hapur ndaj të gjithëve dhe nuk i kategorizojmë njerëzit. Kjo është e vetmja mënyrë për të ecur përpara. Dashuria është dashuri në të gjitha format dhe përmasat. Paçi fat vajza!”, shkruan Sara Hoxha.
(XH.A/SHUPLAKA)
