Sarandë, policia kontroll të befasishëm në shtëpinë e vjehrrit të Klement Balilit

Policia e Shteti ka ndërmarrë një aksion në Delvinë për kapjen e të shumëkërkuarit Klement Balili, i cili kërkohet për trafik ndërkombëtar droge. Fax News raporton se operacioni është bërë në shtëpinë e Avni Veizit, vjehrrit të Balilit, pasi kishte dyshime se ky i fundit mund të fshihej aty.

Por pas kontrolleve, ka rezultuar se në banesë private nuk kishte asnjë person, ndërkohë që vjehrri dhe vjehrra e Balilit, jetojnë në banesën e tij.

Klement Balili i cilësuar si ”Escobari i Ballkanit” nuk ka arritur ende të neutralizohet nga Policia, madje nuk ka as informacione rreth vendndodhjes së tij të mundshme. Balili është në kërkim për trafik ndërkombëtar droge.

Klement Balili është ende në arrati; arrestimi i tij nuk është bërë i mundur pavarësisht disa operacioneve blic të Policisë së Shtetit.

(M.Q/Faxweb)