Sarri “ngre zërin”: Ronaldo të luajë i lirë, 10 të tjerët të mbrojnë

Maurizio Sarri “ngre zërin”. Trajneri i Juventusit, në konferencën për shtyp pas ndeshjes së humbur ndaj Tottenham, pasi ka kritikuar mbrojtjen për shpërqendrimin, ka folur edhe për sulmin, i ka thurur elozhe Higuain, por sidomos ka dhënë udhëzimin e tij.

“Cristiano Ronaldo është futbollisti më i mirë që kemi! Duke qenë kështu, ai duhet të luajë i lirë në fushë, të mos shqetësohet për asgjë, por të bëjë atë që di më mirë. Të luajë në çdo zonë ku dëshiron ose e sheh të arsyeshme ai… Dhjetë të tjerët duhet të organizohen që të mbrohemi nga sulmet e kundërshtarit”.