E renditur e dyta në listën e kandidatëve të PDIU-së për deputete në Tiranë, Mesila Doda, nuk do të jetë pjesë e Kuvendit tëe ardhshëm që do të mblidhet në muajin Shtator. Nga KZAZ-ja nr. 35 ajo është ndalur për të komentuar rezultatin e Partisë për Drejtësi, Integrim dhe Unitet në këto zgjedhje.
Teksa shprehu bindjen e marrjes së një mandati në Tiranë, ajo deklaroi se ndjen keqardhje për sistemin që është në buzë të greminës, duke u ndalur tek heqja e mundësisë së koalicioneve parazgjedhore.
E pyetur nga “Neës24” nëse ndjen keqardhje që nuk do të jetë deputete, ajo tha “se jeta është e gjatë dhe e bukur, e mund ta shohin në mandatin tjetër”.
“Sistemi zgjedhor i penalizoi partitë e vogla. Në këtë rast PDIU ka qenë në syrin e ciklonit, po flasim për 37 mijë vota dhe për mandate të pasigurta. Në përllogaritjet tona jemi shumë afër në mandatin tonë në Tiranë. Sot PDIU duhet të ishte me 10 apo 12 deputet. Kjo është shkelje e hapur e kodit zgjedhor, pra që nuk lejuan koalicionet.
Jeta është e gjatë dhe e bukur, do keni mundësi të me shihni në shumë projekte politike. Kurrë të mos themi kurrë, ndoshta jo në këtë mandat por në tjetrin. Rëndësi ka të shpëtojmë sistemin.”, u shpreh Mesila Doda.
(XH.A/SHUPLAKA)
Discussion about this post