Kryebashkiaku i Kamzës, Xhelal Mziu ishte i ftuar në emisioni Kolaudim në In Tv. Problematka kryesore që shtroi Mziu në emision ishte mosfinancimi I projekteve nga qeveria. Edhe pse Kamza u rendit , si Bashkia më e mirë në menaxhimin e fondeve për vitin 2016, sipas Mziut asnjëri nga këto projekte nuk është financuar nga qeveria. Sipas kryebashkiakut për të arritur në këto përfundime, kanë kaluar “një rrugë” shumë të vështirë.
Kryebashkiaku i Kamzës është shprehur se në këto 4 vite ka aplikuar për plot 137 projekte, të cilat kanë të bëjnë me ndërtimin e rrugëve, shkollave, çerdheve për kanalet e ujërave të zeza etj. Pavarësisht kërkesave të shfaqura nga zoti Mziu, asnjëri nga këto projekte nuk është financuar. Ajo që I ka bërë përshtypje Mziut është se kurrë nuk ka marrë një përgjigje për mos kualifikim e tyre.
Zoti Mziu u shpreh se Kamza është një ndër të paktat vende që nuk është përfshirë në projektin “Rilindja Urbane”. “Unë kam dy qendra urbane, atë të Kamzës dhe atë të Babrroit, të dyja qytete të vogla , por historike dhe asnjëra prej tyre nuk u financua,”- u shpreh Xhelal Mziu.
Njëra nga temat e prekura në emision ishte dhe tema e përmbytjeve. Kryebashkiaku i Kamzës foli edhe për situatën e vështirë që kishin kaluar. Edhe pse numri i familje të përmbytura i kalonte 630, ai u shpreh se stafi i tij e ka mbuluar siç duhet situatën.
Përsa I përket vizitës që I bëri Rama, Mziu u shpreh se Rama kishte futur mik për tu takuar me të. Gjithashtu zoti Mziu tregoi edhe premtimin që i kishte bërë kryeministri.
“Madje më bëri edhe një premtim që do t’i bëjë të dy kolektorët po tu vendos emrin e Ramës”- u shpreh kryebashkiaku i Kamzës.
