“S’do t’ia uroja askujt”, Bebe Rexha përfundon në spital për shkak të problemeve me shëndetin

Këngëtarja shqiptare me famë botërore, Bebe Rexha, duket se nuk i ka pasur të mira raportet me shëndetin e saj.

Disa ditë më parë, ajo kishte kaluar një ftohje dhe megjithëse kishte marrë mjekime, e ftohura i ishte rikthyer edhe më e fortë.

Për këtë arsye, këngëtarja ka përfunduar në spital për të marrë mjekimin e duhur.

Vetë Bebe e ka bërë të ditur këtë lajm nëpërmjet një statusi në Twitter, ku shkruan:

“Unë përfundova në spital sot. U ftoha gjatë pushimeve dhe u mjekova me atibiotikë për 10 ditë, por e ftohura u rikthye më e fortë. Nuk do ia uroja askujt këtë. Dita më e keqe. Shpresoj të bëhëm më mirë. Qofshi mirë dhe të lumtur. Ju dua të gjithëve”, janë fjalët e Bebes në postim.