“Se dua votën tuaj”, Pinderi-Dodës: Amatore s’ke kauzë tjetër veç urrejtjes, do përfundosh në kazanin e harresës (E PLOTË)

Prej ditës së djeshme një debat është ringjallur mes përfaqësuesve të komunitetit LGBT dhe disa politikanëve në vendin tonë.

Ky komunitet bëri kërkesë që të mos votohet për katër përfaqësues të partive që janë:

Kryetari i Partisë Demokristiane Nard Ndoka, ish-ministër i shëndetësisë, e konsideron ende homoseksualitetin si një sëmundje dhe deviancë, duke thënë se Parlamenti shqiptar “Nuk është imun nga të tilla devianca”.

Eduart Ndocaj, deputet dhe kryetar i PBDKSH.  Gjatë një intervistë në emisionin “Të paekspozuarit”, ai shpreh me krenari qëndrimin e tij si demokristian kundër komunitetit LGBTI duke vazhduar më tej me një fyerje të qartë, ku krahason LGBTI me një targë makine.

Mesila Doda, deputete e PDIU, është shprehur gjatë një debati në emisionin “Opinion” të datës 18 maj 2017, se një ndër kauzat kryesore që partia e saj ka mbajtur në këtë 4 vjeçar ishte mos lejimi i martesave brenda të njëjtës gjini.

Tritan Shehu, Drejtues i Departamentit të Shëndetësisë në Partinë Demokratike, mendon se hapja e rrugës për bashkëjetesat mes personave të së njëjtës gjini do të shkatërrojë të ardhmen e fëmijëve, familjen dhe traditën e saj dhe të njerëzimit.

Ndërkaq pas këtij lajmi reagoi deputetja e PDIU-së Mesila Doda e cila u shpreh se nuk i do fare votat e këtij komuniteti.

“Të dashur miq, sot komuniteti LGBTI më shpalli zyrtarisht armike dhe se nuk do kisha asnjë votë, i falenderoj për sinqeritetin dhe u them nuk e dua votën tuaj, por kërkoj votën e kujtdo që mendon se familja tradiconale është e para”, tha dje Mesila Doda.

Nga ana tjetër edhe Kristi Pinderi një nga përfaqësuesit e LGBT-ve nuk e la me kaq. Ai u shpreh se një Doda është një politikane që nuk ka kauzë dhe mezor pret rastin që të dalë në media.

“Mesila paska thene se nuk e do voten e LGBT. Dmth eshte nje njeri qe nuk i do qytetaret. Kush nuk i do qytetaret nuk meriton voten e askujt. Me mire keshtu;) u sqaruam perfundimisht.

P.S. Vec kesaj eshte aq amatore sa mezi pret qe ne ta permendim qe ajo te replikoje sepse nuk ka asnje kauze. Dmth nuk i do njerezit e nuk ka asnje kauze tjeter vec urrejtjes. Ne kazanin e harreses duhet te perfundoje meqe kazani tani eshte koncept politik’’, shkruan Pinderi. (E.K/SHUPLAKA)