Me kufje në vesh, por ama me shkresa në duar, kjo ishte video e kryeministrit Rama publikuar nga ai vetë dy ditë me parë. Diku duke udhëtuar nëpër Shqipëri me makinën kryeministrore për të bërë fushatë.
Video që në fakt nuk ka kaluar pa vëmendje. Duke shkruar për këtë gazetari Sokol Shameti ka bërë një status mjaft pikant.
Ai thotë ndër rreshta se Rama i ngjan pak a shumë me Leninin që kishte aftësi që me dy duart të shkruante fjali të ndryshme.
SHKRIMI I SHAMETIT:
Se fyhrerin e kemi multitask, domethënë xhymert, merr vesht. Me syrin e mëngjërt inspekton punërat anekënd Atdheut, me syrin tjatër studion shkresat e ndërlikuara të gubernës.
Me njërin vesh deguston tingujt e Lë sakrë dë prentò-së nga Stravinski, e me veshin tjatër u jep xhevap në kabllo hallexhinjve. E të tëra këto, duke bërë kastile sikur s’e ka mëndjen që po e filmojnë në kadro.
Pak a shumë si Lenini, merr vesht.
Se ay shkruante me të dyja duart nga një fjali të ndryshme përnjëherazi dhe prapë i tepronte një dorë për të përkëdhelur mackën e vet, që gojët e liga thonë se quhej “Endri”. (E.K/SHUPLAKA)
Discussion about this post