“S’e kam agjendën sot për sot”, Kurti i përgjigjet Thaçit në takim me gazetarët: Krerët e shtetit përveç fatkeqësisë…

Kryetari i Lëvizjes Vetëvendosje, Albin Kurti i ka kthyer një përgjigje tjetër presidentit Hashim Thaçi për ftesën e këtij të fundit për t’u takuar.

Teksa në shkresën e parë Kurti shkruante se nuk mund të merrte dot pjesë në takim sepse ishte jashtë vendit, së fundmi ai është shfaqur në një takim me gazetarët në Prishtinë me rastin e festave të fundvitit.

Gjatë këtij aktiviteti, Albin Kurti ka deklaruar se takimi me Thaçin nuk mund të kryhet direkt sepse agjenda e tij është e zënë.

“Kam marrë sot dy ftesa, por agjenda e krerëve të shtetit është shumë e ngjeshur. Prandaj nuk mund të takohemi ashtu, përveç kur ka ndonjë fatkeqësi ose ndonjë urgjencë tjetër. Kam qenë në Shkup dhe unë nuk e kam agjendën sot për sot”, ka thënë Albin Kurti.

Sipas tij, krerët politikë as nuk duhet të vonohen për krijimin e qeverisë së re, por as nuk duhet të nxitohen.

(M. I./ Faxweb.al)