Kryeministri Edi Rama deklaron se Partia Socialiste ende nuk ka zgjedhur një kandidat për zgjedhjet në Kavajë.
Në një intervistë për emisionin “Opinion” të gazetarit Blendi Fevziu, Rama ka deklaruar se pavarësisht kësaj, kandidati do të zgjidhet nga PS.
“S’e kemi vendosur kandidatin e Kavajës, kemi kërkuar kandidaturat nga Partia Seocialiste e Kavajës dhe do t’a vendosim ditën e dielë.”, tha Rama.
Ndërkohë, i pyetur nëse LSI-ja aludon në qëndrimin e saj, Rama i është shmangur një përgjigjeje të drejtpërdrejtë.
“Më bëtë një pyetje dhe dhashë një përgjigje dhe ndërkohë normalisht siç funksionon marrëveshja e koalicionit, duke qenë se Kavaja është një bashki që propozimin e ka Partia Socialiste, ajo do bëjë propozimin.”, ishte përgjigja e ramës. (D.D/Shuplaka)
Discussion about this post