Kryetari i Partisë për Drejtësi, Integrim dhe Unitet, Shpëtim Idrizi, është shprehur se e mbështet opozitën kur kërkon të gjtiha garancitë për të hyrë në zgjedhje, por i duket e paarsyeshme kërkesa për qeveri teknike në këtë moment:
“Kërkesa për qeveri teknike nuk duket e pa arsyetuar, në këtë moment kur po rrëshqasim nga institucionet. Unë nuk e kuptoj se si Rama dhe Basha nuk ulen, kur janë ulur Thaçi me Vuçiçin. Kjo është arsyeja pse ne i kërkuam Presidentit të Republikës të thirrte tryezën e partive politike. Unë jam optimist se kriza do të zgjidhet, por do të zgjidhet ditën e fundit.”, u shpreh Idrizi në emisionin “Tonight Ilva Tare”.
Sa i përket çështjes nëse zgjedhjet bëhen pa opozitën, kryetari i PDIU-së tha se nëse zgjedhjet bëhen pa opozitën, ato nuk do të ishin zgjedhje po thjesht votime, prej të cilave nuk mundet të dalë një mazhorancë e konsoliduar.
Ai bëri me dije se ditën e sotme do të zhvillojë një takim me kryeministrin Rama për mundësinë e koalicionit ndër të tjera, teksa u shpreh se pritet që përgjatë këtyre ditëve të vijnë edhe disa ndërkomvëtarë të tjerë.
(XH.A/SHUPLAKA)
Discussion about this post