Gjykata e Durrësit ka dhënë masën e arrestit me burg për Enertila Beqajn e akuzuar për mashtrim.
Pavarësisht mbrojtjes që ajo vetë u përpoq të bënte në sallën e Gjyqit duke thënë se nuk e njihte personin që e kishte denoncuar, gjyqtari i çështjes nuk e mori parasysh.
“Faqja në facebook nuk është e imja.Sendet i kemi blerë me lekët e mija, në muajin gusht kanë ardhur kushërinjtë nga emigracioni dh ena kanë ndihmuar. Unë jam e lidhur me një djalë jashtë shtetit. Në polici nuk thash që jam shtatzënë, unë dyshoja për shtatzëni.
Brahushin thjesh e kam parë në Manëz sepse merrnin lekët e kempit në postë. Unë në facebook kam foto profili me mamin tim. Kërkoj nga gjykata të më lërë të lirë të qëndroj pranë nënës time se e kam të sëmurë. Jam e pafajshme”, tha Enertila në sallën e gjyqit.
Prindërit e saj kanë këmbëngulur se vajza e tyre është e pafajshme dhe lënia e saj në burg përbën një gabim nga ana e organeve të drejtësisë.
(E.K/SHUPLAKA)
https://www.youtube.com/watch?v=oV4DqmcTczQ&feature=youtu.be
Discussion about this post