“Big Brother” do të rikthehet sëshpejti në ekran, në edicionin e 9-të të tij. Këtë vit moderator do të rikthehet sërish Arbana Osmani, e cila vitin e kaluar bëri një pauzë pas lindjes së djalit të saj Jonit.
Por kush do të jetë opinionisti i këtij edicioni? Opinionisti Arjan Konomi është parë këto kohë në korridoret e “Top Channel”, prandaj rikthimi i tij këtë edicion nuk është diçka që s’pritej.
Këtë përgjigje e jep vetë autorja e programit, italiania Alessia Vessicchio, e cila në një prononcim për revistën “Ëho” tha që këtë vit, Konomi do të rikthehet, por me një rol të ri.
“Arjan Konomi do të jetë kryeredaktori i “Big Brother”. Falë eksperiencës së tij prej gazetari dhe njohurive që ka për programin, jam e nderuar që e kam në skuadrën time”, tha autorja e reality-t.
Megjithatë i pyetur nëse është Arjani opinionisti, Alessia është përgjigjur: “Tani po më kërkoni shumë! Do të jetë një surprizë por mund të them se nuk do të jetë vetëm një opinionist”.
Bashkëpunimi mes Arbanës dhe Arjanit ka rezultuar një sukses gjatë edicioneve të kaluara, prandaj edhe ky bashkëpunim i radhës pritet të jetë i tillë. (D.D/Shuplaka)
Discussion about this post