Një spektakël i quajtur “Shen Tereza, shqiptarja e gjithë botës” vjen për herë të parë ne Prishtinë. Ky eveniment i madh humanitar do të zhvillohet në muajin Shtator në Prishtinë i cili sipas organizatorit, Sokol Gugës do të jetë me përmasa gjigande.
Ai shprehet i lumtur që do të jetë këtë vit pranë “vëllezërve kosovarë për të realizuar një spektakël humanitar në nderim të shenjtores së madhe shqiptare me famë botërore Nënë Tereza”.
Për rreth 2 orë transmetim, është zbuluar se në këtë mbrëmje do të përfitohen edhe apartamente, bursa studimi, kurime për fëmijët në nevojë. Artistët që do të përshëndesin këtë mbrëmje janë emra të mëdhenj të artit shqiptarë.
Ndër pjesmarrëset që është bërë publike tashmë është edhe sopranoja me famë europiane Arlinda Morava e cila do të vij nga Opera e Bukureshtit, balerini i Greqisë Danilo Zeka, sopranoja nga Kosova Adelina Paloja e shumë artistë që do të vijnë nga të katër anët e globit për “Shën Tereza, shqiptarja e gjithë botës” .
Stafi përgatitot ka nisur punën për të sjell një program artistik humanitar të këtyre përmasave. Personalitete të artit në botë do të zbresin në Prishtinë për spektaklin që do të mbahet në Shtator.
(F.GJ/FAXWEB.AL)
Discussion about this post