Ndaj gjyqtarit pranë Gjykatës së Apelit pranë Krimeve të Rënda, Dhimitër Lara është zhvilluar sot nga Komisioni i Pavarur i Kualifikikimit një seancë dëgjimore.
Sipas ILDKPKI, Lara ka bërë deklarimi të saktë pasurie ndërkohë që është konstatuar gjithashtu se nuk ka problem me pastërtinë e figurës.
Nga ana tjetër në KPK kanë mbërritur edhe 5 denoncime ndaj gjyqtarit. Mes denoncuesve janë Orik e Laert Shyti pjesë e dosje “Hakmarrja për Drejtësi”.
Orik Shyti dhe Laert Shyti, të cilët u përfolën si anëtarë të “Hakmarrjes për Drejtësi”, janë ankuar pranë Komisionit të Pavarur të Kualifikimit ndaj gjykatësit që i shpalli fajtorë në 2008-tën.
Vendimi ndaj tyre u prish nga Gjykata e Lartë, e cila e riktheu çështjen për rigjykim në Apelin e Gjykatës së Krimeve të Rëndë, e cila i shpalli të pafajshëm.
Orik Shyti dhe Laert Shyti, në ankesën e tyre pranë KPK, pretendojnë se gjyqtari Dhimitër Lara ka qenë i ndikuar politikisht për t’i dënuar.
Sipas tyre, ai është shprehur se nëse do e trajtonte serish çështjen e tyre, do të jepte të njëjtin vendim.
(F.GJ/FAXWEB.AL)
