Seanca ndaj Tahirit, Gjykata tërhiqet për të marrë vendimin

Gjykata është tërhequr për të marrë vendimin për çështjen e Saimir Tahirit.

Dy janë mundësitë me të cilat mund të dalë organi i akuzës: “Rikthimi i çështjes për hetim” ose “kalimi për gjykim i saj”.

Dosja voluminoze përbëhet nga rreth 53 fashikuj. Tahiri dhe Jaeld Çela, përmes avokatit Jetmir Ismaili kërkojnë gjykim të shkurtuar.

Kujtojmë se seanca vijon prej më shumë se 8 orësh, ndërkohë Tahiri ka kërkuar pushimin e çështjes, por nëse një gjë e tillë nuk ndodh, ka kërkuar gjykimi bëhet në mënyrë të shkurtuar.

Ky lloj gjykimi mund të kërkohej vetëm në këtë seancë paraprake, megjithatë Tahiri pretendon për pafajësi. Gjykimi i shkurtuar vetëm me aktet që janë në çështje, por pa pranuar pafajësinë.

Gjergj Kohila dhe Sokol Bode, dy efektivët që janë pjesë e çështjes, nuk kanë kërkuar gjykim të shkurtuar pasi avokatët që i përfaqësojnë nuk kanë patur prokurë të posaçme për ta kërkuar.

Seanca e shkuar, pesë ditë më parë, u shty për shkak se prokuroria nuk kishte njoftuar të pandehurit e tjerë, ndërkohë avokati i Tahirit, Maks Haxhiaj la të hapur opsionin se mund të kërkojnë gjykim të shkurtuar nëse vijojnë zvarritjet.

Ndërkohë dosja voluminoze e Tahirit prej 53 fashikuj ka mbërritur po ashtu në Gjykatën e Krimeve të Rënda.

Ndaj ish Ministrit të Brendshëm, Saimir Tahiri rëndon akuza për “grup të strukturuar kriminal” dhe e “trafikut ndërkombëtar të lëndëve narkotike”