Ish-deputeti demokrat, Bardh Spahia I cili deri më sot ndodhej në masën e arrest shtëpie, ka dalë sot para tupës gjykuese bashkë me avokatët e tij, Ivi Kaso dhe Ledio Nuraj.
Në përfundim të procesit gjyqësor, ndaj Spahisë është ndryshuar masa nga “Arrest shtëpie” në “Detyrim paraqitje”.
Spahia akuzohet për veprat penale “Kundërshtim i forcave policisë dhe “mosbindje ndaj forcave të policisë”, “shkatërrim i pronës me zjarr” në incidentin e ndodhur disa diortë para zgjedhjeve vendore të 30 Qershorit në KZAZ-në nr 3 pranë shkollës Shejnaze Juka në Shkodër.
Ish-deputeti ishte deri më sot nën masën e “Arrest shtëpie” por pas ankimimit të bërë nga vetë ky i fundit, gjykata vendosi “Detyrim paraqitje”.
Mbrojtja mbajti qëndrimin gjatë zhvillimit të gjyqit se masa “arrest shtëpie” ishte e tepërt pasi Spahia nuk rrezikon sipas tyre largimin nga vendi as prishja e provave.
“Prokuroria nuk ka sjell asgjë që provon me fakte të pakonstatueshme veprat penale. Në pamjet filmike shihet vetëm prania e tij së bashku me dhjetra të tjerë”, thanë avokatët ndër të tjera teksa kanë kërkuar lirimin e tij asnjë masë deri në përfundim të hetimeve.
Prokuroria nga ana e saj kërkoi shpalljen e masës së arrestit si të paligjshme pasi nuk është arsyetuar si duhej kjo çështje.
Por nga ana tjetër ka argumentuar se ka dyshime të arsyeshme marrë nga pyetjet e punonjësvë të policisë dhe kamerat e policisë. “Masa e gjykatës arrest shtëpie është korrekte. Prokurori ka ndjekur kçyrjen e vendit të ngjarjes dhe ndalimi eshtë berë nga oficer të policisë gjyqësore”.
Ndërkohë në daljen nga Gjykata, Spahia është p[ritur nga mbështetës dhe simpatizantë me të cilët është takuar dhe ka shtrënguar duart me ta.
(F.GJ/FAXWEB.AL)
