Institucioni i Presidentit të Republikës ka bërë publike emrat e kandidatëve që kanë aplikuar për vendin e ngelur bosh ne Gjykatën Kushtetuese, ndërkohë që ditën e sotme Këshilli i Emërimeve në Drejtësi, zhvilloi mbledhjen e radhës.
Në këtë mbledhje pas përfundimit të seancës dëgjimore, këshilli vendosi të vijojë me procedurën e verifikimit të mëtejshëm të kandidatës Zhaklina Peto.
Kështu KED ende nuk ka dalë me një vendim nëse do e pranojë apo jo Peton si kandidate për Kushtetuesen.
Ndërsa kujtojmë se më herët më herët KED e ndaloi kandidimin e Petos me argumentin se ka probleme financiare.
Pas këtij vendimi, Peto u ankua në gjykatë dhe apeli administrativ gjeti shkelje nga ana KED. PËr këtë arsye, në mbledhjen e e sotme KED thirri një ekspert kontabël për të hedhur dritë mbi raportin që solli skualifikimin e Petos, për të cilën tashmë ende nuk ka një vendimmarrje finale.
Njoftimi i KED:
Në mbështetje të pikës 1 të nenit 125 dhe pikës 1 të nenit 149/d të Kushtetutës, të nenit 229, pikës 1 të nenit 234, 235 e vijues të ligjit nr. 115/2016 “Për organet e qeverisjes së sistemit të drejtësisë”, nisur nga vendimi nr. 201 datë 22.08.2019 i Gjykatës Administrative të Apelit që ka disponuar shfuqizimin e vendimit nr. 108 datë 02.08.2019 dhe vendimit nr. 109 datë 02.08.2019 të Këshillit të Emërimeve në Drejtësi, KED zhvilloi të mërkurën 04.09.2019 ora 14.00, mbledhjen e radhës.
Sikurse ishte parashikuar në rendin e ditës, mbledhja vijoi me thirrjen e ekspertit i cili iu përgjigj pyetjeve sqaruese të drejtuara nga kandidatja Znj. Zhaklina Peto si dhe pyetjeve të drejtuara ndaj tij, nga ana e anëtarëve të KED.
Pas përfundimit të seancës dëgjimore, këshilli vendosi të vijojë me procedurën e verifikimit të mëtejshëm të kandidatës Zhaklina Peto.
(F.GJ/FAXWEB.AL)
