Ditën e sotme është zhvilluar sëanca për prokurorin e Prokurorisë për Krime të Rënda, Eneid Nakuçin nga Komisioni i Pavarur i Kualifikimit ndaj të cilit nuk janë gjetur probleme në ngarkim të tij, ndërkohë seanca për marrjen e një vendim i përfundimtar do të zhvillohet me datën 7 Qershor në orën 12:00.
KPK ka kryer hetime në të trija hapësirat e hetimit që kanë të bëjnë me pastërtinë e figurës, aftësia profesionale dhe pasurinë.
Trupa gjykuese ishte e përbërë nga : Xhensila Pine, Valbona Sanxhaktari, Roland Ilia. Ky i fundit në lidhje me pasurinë tha se ILDKPI ka dorëzuar raportin se subjekti ka bërë deklarim të saktë, ka burime të ligjshme për pasurinë, nuk ka kryer fshehje pasurie.
Nakuçi ka paraqitur në deklaratëm Vetting se disponon një apartament 136 m2 në Tiranë.
Në hetimin e KPK nuk rezulton dokumentacion për huat e marra tek disa të afërm për pagimin e një apartamenti në disa vite, në këste të ndryshme.
Bashkëpronar në një tjetër apartament 73 m2 si dhe një automjet.
Komisioni, pas hetimeve lidhur me këtë automjet, nuk ka gjetur problematika.
Subjekti ka kryer deklarim të saktë edhe për dy llogari bankare, të cilat i ka deklaruar si të ardhura nga puna. Pas hetimit ka rezultuar se ka bërë deklarim të saktë.
Gjithashtu është hetuar edhe për një llogari bankare e të birit me 1 milionë lekë të reja. Subjekti sërish i ka deklaruar. Llogari bankare në emër të së bijës, edhe kjo me burime të ligjshme.
Gjendje kesh 1 milionë 200 mijë lekë, teprica.
KPK rezulton se ka patur të ardhura për ta disponuar.
Për figurën, DSIK ka kryer hetim, ndërsa ka konstatuar përshtatshmëri për vijimësinë e punës. KPK nuk ka gjetur problematika.
Sa i përket aftësisë profesionale, nuk janë gjetur problematika. Nuk rezulton që Nakuçi të ketë masa disiplinore, madje ka marrë vlerësime shumë të mira nga Prokurori i Përgjithshëm.
Bëhet e ditur ndërkohë se në adresë të tij janë paraqitur dy denoncime.
Discussion about this post