Pas votimit në seancën e jashtëzakonshme në Parlament, ku u votuan 27 emrat për anëtarët e organeve të vlerësimit për Vetingun dhe zëvendësuesit e tyre, ka reaguar ministri teknik i Drejtësisë Gazmend Bardhi.
Përmes një njoftimit për mediat, ministri Bardhi përshëndet emërimin nga Kuvendi i Shqipërisë të anëtarëve të Komisionit të Pavarur të Kualifikimit dhe gjyqtarëve të Kolegjit të Apelimit, dhe e vlerëson këtë si hapin e parë për bërjen funksionale të organeve të reja të sistemit të drejtësisë.
“Ministria e Drejtësisë, pret të gjejë tek organet e reja të vetingut, një partner serioz dhe të besueshëm, për ndërtimin e një sistemi drejtësie eficent dhe në shërbim tëqytetarëve shqiptarë.”, thuhet në njoftim.
Ndër të tjera, ministri Bardhi i uron suksese të gjithë anëtarëve dhe gjyqtarëve të organeve të vetingut për detyrën e re. (D.D/Shuplaka)
Discussion about this post