Seanca për Vettingun/Topalli vijon replikat me Ramën: Marrëveshje për të mbyll llogaritë e kryetarit

Në seancën e sotme plenare, Jozefina Topalli dhe kryeministri Edi Rama kanë vijuar me debatet mes tyre, lidhur me emrat e gjykatësve për Vettingun.

Fillimisht ishte Topalli ajo që u shpreh kundër emrave të gjykatësve e prokurorëve të zgjedhur, ndërsa më pas kryeministri Rama iu përgjigj se nuk është faji i tij që do mungojë në sesionin e ardhshëm parlamentar, duke thumbuar: “Vetëm mos të shkojë mendja që unë dhe Luli flasim për ty. Nuk je fare në axhendën tonë!”

Pastaj deputetja Topalli ka marrë sërish fjalën: “Mua më vjen vërtet shumë keq që po ndodh kjo dhe emrat që po votohen nuk janë kushtetues.

Do jetë një dështim i madh historik, unë uroj shumë të mos jetë produkt i një marrëveshje për të mbyll llogaritë e kryetarit, por ajo cdo ndodhë është që Edi Rama dhe të tjerë që votuan ca emra për të mos bërë asgjë, do bëjë që gjykatësit e korruptuar do jenë më të lumturit në botë e për këtë do mbani një përgjegjësi të madhe.”

Kjo deklaratë vjen për emrat e propozuar që po votohen sot në seancën e jashtëzakonshme, për gjykatësit që do zgjidhen në Komisionet e Vettingut. (D.D/Shuplaka)