Opozita ka paralajmëruar se çdo dirtë që do të zhvillohet seancë plenare, do të jetë përpara Kuvendit duke protestuar deri në rrëzimin e qeverisë së Drejtuar nga Kryeministri Edi Rama, krijimin e një qeverie tranzitore dhe organizimin e zgjedhjeve të lira e të ndershme.
Por ashtu siç dodhi në fillim të kësaj jave, ku për shkak të protestës së thirrur nga opozita, kreu I Kuvendit Gramoz Ruçi, vendosi të mbledh të martën në një seancë të jashtëzakonshme Parlamentin.
Këshilltari Ligjor i Partisë Demokratike Gazment Bardhi, me anë të një postimi në rrjetet sociale, I ka bërë thirrje Kryeministrit Rama që të lejojë Kryetarin e Kuvendit, Gramoz Ruçin të publikojë një orë se kur të të zhvillohet seanca e radhës plenare.
“Seanca plenare nuk është si PPP e tua, që i njoftohet vetëm klientit privat dhe publikut i mbahet i fshehtë”, shkruan zyrtari i PD-së.
Ai e paralajmëron kryeministrin Rama se do të shihen me datë 5 mars përpara Kuvendit të Shqipërisë, kur pritet që deputetët e mazhorancës të jenë në Parlament ndërkohë që jashtë sallës është paralajmëruar një protestë e madhe nga opozita.
Reagimi i Gazment Bardhit:
Edi Rama, lejoje Gramozin të publikojë orën e seancës plenare! Seanca plenare nuk është si PPP e tua, që i njoftohet vetëm klientit privat dhe publikut i mbahet i fshehtë. Parlamenti është i qytetarëve, jo i përfaqesuesve të krimit! Shihemi më 5 Mars përpara Parlamentit! ✌
Kujtojmë se pika dy e nenit 30 detyron Kryetarin e Kuvendit të njoftojë orën në mbyllje të seancës plenare.
“Drejtuesi i seancës plenare ose kryetari i komisionit, para se të mbyllë përkatësisht seancën ose mbledhjen, njofton orën e fillimit të seancës plenare ose të mbledhjes së ardhshme.”
Kjo nuk ndodhi në seancën e së martës, e cila u thirr në ilegalitet nga frika e protestës së opozitës.
(F.GJ/FAXWEB.AL)
