Seancë e fshehtë për “Velierën”, Gjykata e Durrësit vendos pezullimin e punimeve në gjithë zonën A

Një seancë e fshehtë mësohet të jetë zhvilluar në Gjykatën e Durrësit lidhur me punimet që po kryhen në kuadër të projektit “Veliera” që ka shkaktuar debate, përplasje dhe protesta.

Bëhet me dije se gjykata ka vendosur të marrë në konsideratën kërkesën e 3 marsit të Prokurorisë së Durrësit, por jo plotësisht. Prokuroria kërkoi sekuestro preventive për “Velierën”, konkretisht pezullimin e plotë të punimeve.

Ndërkaq, Gjykata e Durrësit ka vendosur pezullimin e pjesshëm të saj. U morr vendimi për pezullimin e plotë të punimeve në gjithë zonën arkeologjike “A”. Ky vendim është marrë nga gjykata në një seancë të fshehtë që ajo ka zhvilluar.

Kujtojmë se ditën e sotme, Shoqëria Civile, ka parashikuar nisjen e një proteste ndryshe, në orën 22:00 tek Torra Veneciane.

(XH.A/SHUPLAKA)