Ish-ministri i drejtësisë Ylli Manjani përmes një postimi në profiling e tij në ‘Facebook’ ka sqaruar ligjërisht se kur i mbaron mandati guvernatorit të Bankës së Shqipërisë Gent Sejko.
Manjani shpjegon se guvernatori aktual të Bankës i mbaron mandati ditën që do i mbaronte paraardhësit të tij, pra Gent Sejko po përmbyll mandatin e lënë në mes nga Ardian Fullani.
Shpjegimi i Ylli Manjanit:
Sqarim ligjor per mandatin e Guvernatorit.
————
Duke lexuar Kushtetuten ne harmoni me ligjin per Bankën e Shqipërisë, më rezulton se:
Guvernatorit aktual të Bankës i mbaron mandati ditën që do i mbaronte paraardhësit të tij!
Pra Zoti Sejko po përmbyll mandatin e lënë në mes nga Zoti Fullani.
Nëse lexoni nenin 48 ligjit për Bankën e Shqipërisë, do ta kuptoni qartë këtë gjë.
Guvenatori ka mandatin fillestar si anëtar i Këshillit Mbikqyrës. Ai/Ajo zgjidhet guvenator vetëm pasi të jetë anëtar i Këshillit Mbikqyrës.
Neni 48 saktëson qartë se anëtari i Këshillit që zgjidhet nga një vend vakant i krijuar nga ndërprerja e mandatit, qëndron në detyrë deri në plotësimin e mandatit të ndërprerë nga paraardhësi.
Shiheni nenin 48.3
Pra Sejko plotëson mandatin e Fullanit. Nëse këtij të fundit i mbaronte mandati këtë vit, atëherë edhe Sejkos i mbaron mandati këtë vit!
(B.H/Faxweb)
