Sekretari i përgjithshëm i Këshillit të Evropës, Thorbjørn Jagland ka uruar ditën e sotme presidentin Ilir Meta për marrjen e detyrës së re.
Në mesazhin e urimit,Jagland theksoi mbështetjen që Këshilli i Europës i jep Shqipërisë në rrugën e integrimit.
“Dëshiroj të ofroj përgëzimet e mia lidhur me përurimin tuaj si President i Republikës së Shqipërisë. Ju uroj sinqerisht suksese në marrjen përsipër të përgjegjësive dhe detyrave tuaja të rëndësishme.
Që nga anëtarësimi i saj, Shqipëria ka qenë gjithmonë një mbështetëse e vazhdueshme e punës së Këshillit të Evropës për të mbrojtur të drejtat e njeriut, demokracinë dhe shtetin e së drejtës në kontinentin tonë. Dëshiroj të nënvizoj gjithashtu faktin se Organizata jonë ka pasur gjithmonë si qëllim të mbështesë vendin tuaj në rrugëtimin e tij drejt integrimit evropian”, thuhet në mesazhin e urimit. (S.SH/Shuplaka)
Discussion about this post