Një 37-vjeçar ka rënë në prangat e policisë, pasi akuzohet për trafik droge. Ngjarja ka ndodhur në qytetin e Korçës. Mësohet se Emiljan Dine ishte shpallur në kërkim që në maj të këtij viti, mirëpo vetëm vetëm së fundmi është arrestuar.
“Ndalimi i Emiljan Dines , 37 vjeç, banues në fshatin Dërsnik-Korçë u bë pasi, me vendim nr 264 të datës 25.05.2017, Gjykata e Krimeve të Rënda në Tiranë ka vendosur për këtë shtetas masën e sigurisë “Arrest në burg” për veprën penale: “Trafikimi i narkotikëve” parashikuar nga neni 283/a/2 të Kodit Penal, raporton policia.
Materialet i kaluan Prokurorisë pranë Gjykatës së Shkallës së Parë për Krime të Rënda në Tiranë, për veprime të mëtejshme.”, thuhet në njoftimin e policisë.
Policia bën me dije se që në vitin 2013-të, Emiljan Dine, në atë kohë 33-vjeç, u arrestua pasi kishte kaluar natën me një vajzë 13-vjeçare në një banesë të marrë me qira.
Mësohet se prindërit e të miturës kanë qenë ata të cilët kanë bërë denoncimin në polici. E mitura nga fshati Libonik ka pranuar se kishte kryer me dëshirë marrëdhënie seksuale me të denoncuarin. (D.D/Shuplaka)
Discussion about this post