Një pasuri kriminale me vlerë 1.4 milionë euro pasuri është sekuestruar nga policia e Lezhës. Grupi kriminal dyshohet për trafik ndërkombëtar droge dhe shfrytëzim prostitucioni.
Në kuadër të operacionit “Forca e Ligjit”, Prokuroria e Rrethit Gjyqësor Lezhë mbi bazen e materialit referues nga Policia e Lezhës, ka rregjistruar procedimin penal për veprën penale “Pastrimi i produkteve të veprës penale, apo të veprimtarisë kriminale” u ekzekutua vendimi i Gjykatës së Shkallës së Parë Lezhë që vendosi sekuestro preventive, mbi pasuritë e grupit criminal.
Pasuritë e sekuestruara kapin vlerën totale rreth 1,450,000 euro.Këto pasuri rezultojnë të regjistruara në emër të shtetasve:
– P. S., 40 vjeç, banues në Shëngjin, Lezhë;
– V. S., 49 vjeç, banues në Rrilë, Lezhë, i arrestuar nga policia e Firences në Itali, si drejtues i një grupi kriminal që merrej me trafikimin e lëndëve narkotike nga Amerika në Itali dhe shfrytëzimin për prostitucioni;
– A.S., 35 vjeç, banues në Shëngjin, Lezhë, i arrestuar në vitin 2008 nga policia e Trentos në Itali si pjesëtar i një grupi kriminal që merrej me trafikimin e lëndëve narkotike nga Hollanda drejt Italisë, në kuadër të operacionit “Apuleio” dhe në vitin 2010 u dënua me 4.6 vite burg.
Ndaj grupit u vendos sekuestro preventive për 15 pasuri të paluajtshme:
- 7 ambjente biznesi, me sipërfaqe rreth 1100 m2 si Hotel, Bar, Restorant;
- 4 ambjente banimi, me sipërfaqe rreth 1000 m2 (apartamente, vila);
- 4 parcela tokë arë, me sipërfaqe totale rreth 22900 m2;
- 9 automjete luksoze.
Në janar 2018, pas një hetimi disa mujor me metoda speciale të hetimit, në bashkëpunim me Prokurorinë u dokumentua veprimtaria kriminale dhe pasuritë e dyshuara se rrjedhin nga aktiviteti kriminal.
(M.Q/Faxweb)
