Një shtetas është vënë në prangat e Policisë së Vlorës, i shpallur në kërkim për veprat penale “Falsifikimi i dokumentave” dhe “Pastrimi i produkteve të veprës penale apo veprimtarisë kriminale”.
Ai është identifikuar si Murat Hysenaj, 56 vjeç, banues në Vlorë.
Gjatë operacionit të koduar “Jala” u krye edhe sekuestrimi i një sipërfaqe toke prej 17.000 m2 toke në fshatin Vuno dhe Jalë, Bashkia Himarë, e cila është përvetësuar nga shtetasi i mësipërm nëpërmjet falsifikimit të dokumentave.
Detaje të Policisë së Vlorës:
Policia ka finalizuar me sukses Operacionin e koduar “JALA” ! Sekuestrohet një sipërfaqe toke në fshatin Vuno dhe Jalë.
Arrestohet shtetasi i shpallur në kërkim: – Murat Hysenaj, 56 vjeç, banues në Vlorë. Në kuadër të procedimit penal Nr.1802/2016, ditën e sotme u bë e mundur kapja dhe arrestimi i këtij shtetasi, i cili është shpallur në kërkim për veprat penale “Falsifikimi i dokumentave” dhe “Pastrimi i produkteve të veprës penale apo veprimtarisë kriminale”. (Neni 186/2 dhe 287/a,c të Kodit Penal).
Mbi bazën e këtij operacioni, Policia e Vlorës në bashkëpunim me Prokurorinë e Vlorës, kanë bërë sekuestrimin e një sipërfaqe toke prej 17.000 m2 toke në fshatin Vuno dhe Jalë, Bashkia Himarë, e cila është përvetësuar nga shtetasi i mësipërm nëpërmjet falsifikimit të dokumentave.
Vlera e kësaj sipërfaqe toke shkon rreth 1.7 milion euro. Gjithashtu, për veprat penale të mësipërme, shtetasit Murat Hysenaj i është caktuar masa e sigurisë “Arrest në burg”.
