Sërish drogë e kapur nga policia, këtë herë në doganën e Kavavijës, në një makinë tip “Benz”, me targa AA 770 LS, në pronësi të shtetasit Stavri Topi, 57 vjeç, banues në Fier.
Pas regjistrimit në sistemin TIMS nga punonjësit e Policisë Kufitare, mjeti ka kaluar në vijën e dytë për një kontroll më të imtësishëm.
Gjatë kontrollit të ushtruar në vijën e dytë, në parafangot e gomave të para të automjetit kishte disa pako me lëndë të dyshuar narkotike, heroinë.
Gjatë kontrollit të imtësishëm nga grupi hetimor u gjetën 4 pako me lëndë narkotike të dyshuar heroinë, me peshë totale 2 kg.
U arrestua drejtuesi i mjetit, pakot u sekuestruan si provë materiale, ndërsa dosja i ka kaluar Prokurorisë së Krimeve të Rënda në Tiranë për veprën penale “trafikimi i narkotikëve”.
