Dy persona janë vënë në prangat e policisë nën akuzën e trafikimit të lëndëve narkotike. Është kryer arrestimi i shtetasve: Gjergj Keli 29 vjeç dhe Qemal Kuqi 28 vjeç.
Aksioni antidrogë i koduar “Mesjava” u finalizua me sekuestrimin e sasisë prej 20 kilogramë lëndë narkotike e llojit “Cannabis sativa”.
Droga u gjet dhe sekuestrua gjatë kontrollit të automjetit tip “Benz” me targa AA 120 LM. Arrestimi në flagrancë i dy personave u krye në afërsi të spitalit të qytetit të Kukësit.
Detaje të Policisë së Kukësit:
Finalizohet me sukses operacioni antidrogë i koduar “Mesjava”.
Sekuestrohen 20 kg lëndë narkotike e dyshuar Cannabis Sativa.
Arrestohen në flagrancë 2 shtetas.
Në orët e para të mengjesit, Specialistët për Narkotikët, në Drejtorinë Vendore të Policisë Kukës, në vijim të punës për goditjen e trafikimit të lëndëve narkotike dhe mbi bazën e informacioneve të marra në rrugë operative, finalizuan me sukses operacionin anti-drogë i koduar “Mesjava”, ku u bë arrestimi në flagrancë i shtetasve:
1-GJ.K., 29 vjeç banues në Ujshtrezë, Mirditë.
2-Q.K., 28 vjeç, banues në Laç.
Arrestimi i këtyre shtetasve u bë pasi, në afërsi të spitalit Rajonal Kukës, gjatë kontrollit të ushtruar në automjetin tip “Benz”, në pjesën e bagazhit, u gjetën dhe u sekuestruan 20 kg lëndë narkotike e dyshuar Cannabis Sativa.
Në cilësinë e provës materiale u sekuestruan :
– 20 kg lëndë narkotike e dyshuar si Cannabis Sativa si dhe u bllokua automjeti tip “Benz”
Materialet në ngarkim të shtetasve të lartëpërmendur, i kaluan veprime të mëtejshme Prokurorisë së Rrethit Gjyqësor Kukës, për veprën penale “Prodhim dhe shitja e narkotikëve, kryer në bashkëpunim”, parashikuar nga neni 283/2, i Kodit Penal.
(XH.A/SHUPLAKA)
