330 kg kokainë me vlerë që llogaritet të jetë 10 milionë euro, është sekuestruar nga Policia holandeze në qytetin-port, Roterdam.
Policia nisi kontrollin e imtësishëm pas dyshimeve mbi dy shqiptarë në pjesën e sigurisë së lartë, ku zbarkohen kontenierët, ku u zbulua edhe sasia e madhe e drogës, raporton ABC News.
Sipas autoriteteve holandeze, kjo ngjarje është provë e fuqizimit të kriminelëve shqiptarë në këtë vend.
Ditë më parë një postobllok policie u sulmua me armë në këtë qytet. Mendohet që incidenti ka lidhje, pasi për disa ditë ka pasur informacion që mund të vinte një sasi e madhe droge në Roterdam.
Ndërkohë, ende nuk janë bërë të ditur emrat e shqiptarëve të arrestuar.
