Një sasi e konsiderueshme prej 376 kilogramë lëndë narkotike “Cannabis sativa” është gjetur dhe sekuestruar në një tunel në malin e Shipckës në Voskopojë. Sasia e drogës së gjetur rezulton të ketë qenë e mykur.
Burime të policisë bëjnë me dije se 10 kilogramë prej tyre janë marrë në cilësinë e provës materiale ndërsa pjesa tjetër është asgjësuar përmes djegies. Ndërkaq nuk ka asnjë të arrestuar lidhur me sasinë e drogës.
Detaje të Policisë së Korçës:
Vijon plani i veprimit për kontrollin e territorit, ambjenteve të ndryshme, për parandalimin e kultivimit të bimëve narkotike, si dhe goditjen e prodhimit dhe shitjes, dhe trafikimit të lëndëve narkotike.
Sekuestrohen 376 Kg lëndë e dyshuar si narkotike Cannabis Sativa në gjendje të mykur, në një tunel në malin e Shipckës-Voskopojë.
Në vijim të kontrolleve të territorit të ushtruar nga strukturat e Drejtorisë të Qarkut Korçë, për goditjen e veprimtarive kriminale në fushën e lëndëve narkotike, më datë 28.06.2017, në Malin e Shipckës, në një tunel, shërbimet e Komisariatit të Policisë Korçë, kanë gjetur një sasi prej 376 Kg lëndë të dyshuar si narkotike Cannabis Sativa në gjendje të mykur.
Prej kësaj sasie, 10 Kg është marrë në cilësinë e provës materiale, ndërsa pjesa tjetër u asgjësua me anë të djegies.
Nga ana e Policisë në bashkëpunim me Prokurorinë po punohet për identifikimin dhe kapjen e autor/ve.
Materialet i kaluan Prokurorisë të Rrethit Gjyqësor Korçë, për hetime të mëtejshme.
(XH.A/SHUPLAKA)
[ngg_images source=”galleries” container_ids=”2289″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
