Një sasi prej 62 kilogramë lëndë narkotike “Cannabis sativa” janë sekuestruar në një aksioni kundër trafikimit të lëndëve narkotike të zhvilluar në Shkodër.
Sasia e konsiderueshme e drogës u gjet dhe sekuestrua gjatë kontrollit të ushtruar në pikën kufitare Bashkimi, Vermosh.
Mësohet se kanabisi ishte i ndarë në katër thasë dhe një çantë dore. Burime të Policisë Kufitare kanë bërë të ditur se disa persona po e trafikonin lëndën narkotike drejt Malit të Zi. Po vijon puna për identifikimin dhe kapjen e autorëve.
“Lënda narkotike u gjet në breg të lumit “Gërçarë”, fshati Vermosh, Malësi e Madhe. Shërbimet e policisë në bazë të informacioneve të siguruara në rrugë operative se disa persona po trafikonin lëndë narkotike në drejtim të kufirit me Malin e Zi, në bashkëpunim dhe me shërbimet e policisë kufitare të Malit të Zi, ushtruan kontroll dhe nga krehja e zonës përreth u gjetën dhe u sekuestruan në cilësinë e provës materiale 4 thasë dhe një çantë dore, ku në total me një sasi prej 62 kg lëndë e dyshuar narkotike kanabis sativa.”, thuhet ndër të tjera në njoftimin e policisë. (XH.A/SHUPLAKA)
[ngg_images source=”galleries” container_ids=”374″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post