Prokuroria e Tiranës ka sekuestruar dokumentacionin për hedhur më dritë mbi tenderin e rikonstruksionit të ish-hotel “Dajtit”.
Prokurori Endri Bimi ka përfshinë në hetim jo vetëm procedurat e tenderit 16 milionë euro, por edhe blerjen e ish-hotel “Dajtit” nga Banka e Shqipërisë në vitin 2010, për një shumë prej 30 milionë eurosh, raporton VizionPlus.
Hetimi mësohet se është përqëndruar tek shpërdorimi i detyrës nga administrata e bankës. Hetimi nisi pas publikimit në media të fakteve që tregonin se banka e Shqipërisë po refuzonte transparencen mbi këtë prokurim, e konkretisht emrin e kompanisë fituese dhe kriteret e përzgjedhjes së saj.
Vlera e parë për rikonstruksionin ishte llogaritur 16 milionë euro. Më pas u rrit në 18 milionë, por më pas u ul sërish në fondin fillestar. Ekspertë të fushës vlerësojnë se kostoja prej 16 milion eurosh konsiderohet e lartë dhe madje abuzive.
(M.D/Shuplaka)
