Sekuestrohen plot 214 kg kanabis në kufirin greko-shqiptar, kapen në flagrancë dy shtetas shqiptarë

Një sasi e madhe droge është sekuestruar së fundi në kufirin greko-shqiptar, pranë Igumenicës.

Bëhet fjalë për plot 214 kilogramë lëndë narkotike të gjetura dhe sekuestruara gjatë aksionit antidrogë të ndërmarrë në fshatin Vasiliko, pranë rrugës “Egnatia”.

Dy shqiptarë janë vënë në prangat e policisë, të moshave 38 dhe 49 vjeç, emrat e të cilëve nuk dihen ende.

Droga u gjet dhe sekuestrua në një furgon që shërbente për transportimin e lëndës narkotike. Mjeti furgon shoqërohej edhe nga një makinë e vogël, që shërbente për kontrollimin e rrugës.

Kjo nuk është hera e parë e drogës në sasi të madhe që sekuestrohet në Igumenicë. 200 kg marijuanë u gjet dhe sekuestruan në një kamion me mobilie në Igumenicë, më 3 janar të këtij viti.

Jo më larg se dy ditë më parë një 22-vjeçare shqiptare u kap nga policia greke në Igumenicë me një valixhe plot me drogë. (XH.A/SHUPLAKA)