Një sasi e madhe droge, marijuanë që sapo kishte mbërritur nga Shqipëria me një vlerë rreth 600 mijë euro, u kap në brigjet e Lecce mesditën e së dielës.
Mediat italiane raportojnë se policia e Lecces ka sekuestruar 500 kilogramë marjuanë dhe ka arrestuar 4 persona mes tyre dhe një 32-vjeçar shqiptar. Droga u gjet e fshehur në një varkë peshkimi në Frigole, në zonën e Leccese.
Megjithëse trafikantët tentuan që t’i shmangeshin agjentëve të shërbimit të patrullës, pasi u ‘maskuan’ si peshkatarë, policia arriti që t’i identifikonte ato.
Ndërkohë, të arrestuarit janë dy vëllezër, 29 dhe 38 vjeç nga Surbo, një 40-vjeçar nga Trepuzzi si dhe 32-vjeçari shqiptar.
Gjatë kontrollit të agjentëve të policisë, u pikas barka, e cila ishte 6 metra e gjatë, ndërsa brenda saj kishte edhe pajisje peshkimi.
Sipas hetuesve të 4 trafikantët kishin vendosur që të transportonin drogën gjatë ditës, për shkak të fluksit të lartë të turistëve në zone.
(M.Q/Faxweb)
