Sekuestrohet gomonia në Vlorë, 2 personat arratisen me shpejtësi

Një gomone është sekuestruar ditën e sotme në Vlorë, teksa dyshohet se ajo do të përdorej për trafik droge.

Ka qenë Policia Kufitare ajo që ka bërë zbulimin, ndërsa kapja e gomones u bë në afërsi të Akërnisë.  omonia ka qenë me 2 motorë dhe 2500 kuaj fuqi. 

Sakaq, dy personat që kanë qenë brenda në të kanë mundur të largohen me shpejtësi nga gomonia, ndërsa policia është në ndjekje të tyre.

Nga ana tjetër më parë pak ditë më pare një tjetër gomone, që transportonte drogë, u pikas në Gadishullin e Karaburunit, ndërsa pas më shumë se 30 orësh u sekuestrua në ujërat e Malit të Zi.

DETAJE: 

Më datë 10.01.2018, Salla Operative e Kufirit dhe Migracionit Vlorë ka marrë njoftim se në vendin e quajtur ”Delisuf”, ndodhet i qëndruar një mjet lundrues tip gomone.

Shërbimet e Policisë Kufitare organizuan menjëherë punën dhe shkuan për verifikim dhe kontroll pranë vendit në fjalë ku kanë konstatuar të qëndruar në breg të detit mjetin tip gomone rreth 7-8 m i gjatë me dy motorra.

Në mjetin lundrues nuk është konstatuar asnjë send apo objekt i kundërligjshëm. Policia Kufitare Vlorë po punon në bashkëpunim me DVP. Vlorë, Delta Forcë dhe GdF për verifikimin dhe dokumentimin ligjor të rrethanave të ngjarjes nëse ka vepër penale ose jo si edhe për identifikimin e shtetasit/ve të cilëve u përket gomonia. (E.K/FAXWEB)