Selami kujton marrëveshjen Rama-Basha: U bë në fshehtësi, kur të jem unë kryetar çdo marrëveshje do konsultohet me strukturat e partisë

Kanë kaluar dy muaj nga marrëveshja mes kryeministrit Edi Rama dhe kreut të opozitës Lulzim Basha, mirëpo kandidati i këtij të fundit në garën për kreun e PD-së shprehet se kjo marrëveshje është bërë në fshehtësi të plotë.

Mirëpo kujtojmë se mbrëmjen e 18 majit, vetë Selami e përshëndeti këtë marrëveshje përmes një postimi në tëitter ku shkruante:“Dite e mire per Shqiperine dhe shqiptaret! Faleminderit BE! Faleminderit SHBA!”

A ka ndërruar mendim për marrëveshjen, apo thjesht rezervat e tij i ka mbajtur për vete deri më tani, kjo nuk mund të thuhet mesiguri. Ama Selami ka zgjedhur të shprehet kundër kësaj marrrëveshje pikërisht në prag të zgjedhjeve për kreun e PD-së, ndërsa është i vetmi kandidat përballë Bashës.

STATUSI I SELAMIT:

Marreveshja me Edi Ramen u be ne fshehtesi te plote. Kush nga demokratet e di se çfare ishte dhe çfare permban ajo marreveshje dhe kush nga demokratet u pyet per ate marreveshje? Nuk jam kunder marreveshjeve por kur te jem une kryetar, çdo marreveshje apo aksion politik do te konsultohet me strukturat e partise. Vetem demokratet e thjeshte e dine se çfare eshte me e mira per ta dhe une do jem i mandatuari qe te ndjek te gjitha rruget per ta arritur ate.(D.D/Shuplaka)