Selami: “Republika e Re” ra jo për shkak të listës, por për shkak të mënyrës si u bë

Kandidati për kryetar partie të PD, Eduard Selami, ka folur sot në “Top Story” për humbjen e PD-së. Selami tha se ai e ka mbështetur taktikisht listën e kandidatëve, por jo mënyrën se si u bë.

Sipas tij, kundërshtitë lidhen me mënyrën si u bë ajo, dhe jo me emrat konkrëtë.

“Nuk ka se si të mos ndikonte. Shqetësimi im nuk është te emrat. Lista u bë në një linjë personale. I takon Këshillit Kombëtar të bëjë lista. Kjo nuk u bë. Këtu merr fund republika e re e Lulzim Bashës.

Këto duhen thënë hapur, nuk kanë qëllime të tjera. Nuk është çështje emrash personash, por mënyra se si u bë. Ne duhet të vendosim konkurrencë dhe garë të barabartë për të gjithë. Kjo ekziston edhe te PS-ja, por ne s’mund të themi që ata bëjnë ashtu, të bëjmë dhe ne. Ne duhet të bëjmë më të mirëm. Basha e pagoi koston”, tha ai. (B.H/Shuplaka)