Kandidati për kryetar të Partisë Demokratike, Eduard Selami ka qenë i ftuar në emisionin “Arena”, në lidhje me koalicionin PD-PS ai është shprehur plotësisht kundër dhe se nëse ai do të ishte në krye të PD-së do ta anulonte këtë.
“Pika tjetër që më shqetëson dhe që unë do ta anuloj, nëse ka një koalicion mes Partisë Demokratike dhe Partisë Socialiste, unë jam absolutisht kundër. Kjo është në dëm jo vetëm të Partisë Demokratike, por edhe në dëm të Shqipërisë. Është totalisht i panevojshëm një koalicion i tillë. Edhe këtë..do t’ia lë kompetencë Këshillit Kombëtar, të zgjeruar, ku janë dhe ku s’janë. Një orë, dy, një gjysmë dite. Të futet kultura politike e ideve. Kështu është bërë shkretëtirë se nuk ka njeri. Nuk të lë njeri të diskutosh dhe të aftësohesh. Të jenë parti politike ashtu siç janë, organizata politike të fuqishme të mendimit politik. Del ai me një letër dhe ia jep ai tjetrit kush është në listë. 20 kryetar partie që u zgjodhën me një anëtar, një votë, edhe ata i hoqi. Thonë pastaj se ka bërë marrëveshje. Marrëveshje përse? Unë po të rrëzoj të gjithë modelin tend”, u shpreh Selami.
Ndërkohë salami ka treguar nëse ka qenë që në fillim kundër çadrës së Partisë Demokratike, ai është shprehur se në fillim ishte pro saj dhe se kishte dalë dhe në protestë, por doli kundër saj në ë momentin që çadra po përdorej si mënyrë për të shmangur Parlamenintin.
“Jo që në fillim! Isha për një protestë dhe e kam mbështetur. E kam thënë publikisht. Unë dola kundër çadrës kur filloi të përdorej si mënyrë për të shmangur Parlamentin. Bojkoti i Parlamentit është primitive dhe e dëmshme. Ta bëj forca politike që unë jam krenar, dhe që ka rrëzuar komunizmin është e papranueshme. Të bojkotosh zgjedhjet? Nuk i kemi bojkotuar në 1991. Respekt për të gjithë ata që morën pjesë”, tha ai. (S.SH/Shuplaka)
Discussion about this post